Ayokong pahabain ang tula na ito
Gusto ko lang ipaalam sayo ang nararamdaman ko
Labing isang taon simula nung ibigin ka
Labing isang taon at mahal pa din kita
Maraming taon na masaya, marami din ang mga nangyaring hindi maganda
Maraming hiwalayan, maraming iyakan, maraming pagbabago, pero nagpapasalamat ako dahil nandito pa din tayo
Alam kong ramdam mo ang mga panahon ng pag-iwas ko
Panahon na ako ay gulong gulo na sa nararamdaman ko
Panahon na ang pagbitiw na lang ang naiisip ko
Panahon din na nakita ko kung gaano mo kagusto na magpatuloy tayo
Maaaring hindi ko alam kung saan tayo tutungo, pero gusto kong magpasalamat sayo dahil hindi ka sumuko
Marami na tayong pinagdaanan. Maraming pagsubok na din ang nalampasan
Sa lahat ng nagawa mo, habambuhay akong magpapasalamat sayo
Habambuhay akong patuloy na susuporta sayo
Dahil ikaw ang buhay ko, ikaw ang pagibig ko, ikaw lagi ang pipiliin ko.
Habambuhay, ikaw ang mamahalin ko.
💜💜
LikeLike